Jumlah Pengunjung Setakat Ini

Ahad, 31 Oktober 2010

Syukur Alhamdulillah

Klate mene weh, sukolah oghe Klate pakat buleh cuti belako hari ni..mek meme cuti jugok sebab mek duduk Shah Alam..gapo-gapo pon, mek meme happy ah sebab Klate mene male tadi (walaupon mek dok tengok sangat sebab debar weh) nok-nok bilo Negeri Sembile sumbak gol hok pertama doh. Dale hati ni dok sero supo kalah jah Klate kali ni *sambil dok doa jangelah nya bakar stadium kali ni, wak malu ko oghe Klate jah* tapi naseb baiklah separuh masa keduo tu, namo gapo doh pemain Klate tu (tengok, mek buke kenal sangat namo-namo pemain ni, David Beckham hok tuo tu mek kenal ah) g sumbat gol penyamae, pahtu dok semetar tu tok laki ambo tepik oyak "gol". Alhamdulillah sapalah habih maso tambahan 4 minit pon Negeri Sembile dokleh nak litah lagi..huhuhuuu..sukonya mek!! Mek napok tok laki mek tok habis-habis oyak "syukur alhamdulillah". Walaupon tok laki mek ni bukelah reti sangat main bola *ampun b* tapi semangat Kekelantane meme kuat ah dale diri. Mek yakin setiap wargo Klate mesti pakat kelih bola male tadi, dok kirolah di stadium Bukit Jalil sediri ko, depe TV dumoh ko, keda make ko, mano-manolah..hok dok jauh beribu batu bekali kelih kok internet (mujo ado internet kam), kalu xdok gapo-gapo gak, tengok update dale facebook jelah!! Mesti pakat syujud syukur sebab Kelate mene, maklumlah nilah kali pertamo Kelate mene Piala Malaysia, sapo tok suko weh, meme suko terlajoklah. Biarlah oghe luar nak kato kami darak pon, tapi kalu negeri demo mene, serupo tulo jugak kam..mesti suko jugok kam..Pendek kato, meme sukolah, sero supo nak kelik Klate loni jugok tapi nok wak ghano, mek tokleh cuti, esok mek khijo..huhuhu..tunggu rayo hajilah mek kelik semelih lembu;-)

*pada yang tak faham, sila gunakan google translator*

2 ulasan:

Tihara berkata...

balik muse td..meriah ngan set2 red warriors, baru kelik dr bukit jalil kali..meriah nge bendera qelatey lg..bendera ngundi lagi..

tp coce mendung..

mohdandmeriam berkata...

salam zaila..hehe..best juga tulis dalam loghat kelate ni..tapi makcik susah nak eja..
tinggi semangat zaila..kita oghe kelate duk mano pun mesti banggo jadi anak kelate ke...jupo geng mesti kecek kelate bia telopong mereka.

LinkWithin

Related Posts Plugin for WordPress, Blogger...

About this blog

Segala isi kandungan di dalam blog ini adalah luahan hati tuan empunya blog sahaja, tiada kaitan dengan mereka yang masih hidup mahupun yang sudah tiada di muka bumi ini..Bahasa yang digunakan adalah sedikit rojak kerana tuan empunya blog hanya mampu mendapat Credit 4 untuk Bahasa Melayu & Credit 3 untuk Bahasa Inggeris pada SPM tahun 1999. Jadi, bimbingan ibubapa adalah diperlukan bagi menafsirkan bahasa rojak yang digunakan;)

Segala bahan, gambar & segala kandungan blog ini adalah kepunyaan peribadi tuan empunya blog (melainkan dinyatakan sumbernya) untuk tatapan generasi akan datang tuan empunya blog nanti. Setiap bahan, gambar & segala kandungan yang ingin diguna pakai, haruslah memberi kredit kepada Zailabinimdae's blog atau diletakkan link blog ini.

Di bawah AKTA 588, AKTA Komunikasi & Multimedia 1998, seseorang individu boleh didakwa sekiranya anda berniat untuk menganiaya, mengugut atau mengganggu mana-mana orang atau mana-mana nombor atau alamat elektronik. Jadi, hormatilah coretan rasa tuan empunya blog agar kita semua dirahmati & berada di bawah lindungan ALLAH selalu^_^